Curro de Morgadáns

este curro, celébrase o 4º domingo de xuño e transforma a parroquia de Morgadáns nun lugar máxico onde tradición, natureza e comunidade se unen nunha experiencia inesquecible.

Durante esta xornada única, os garranos (cabalos salvaxes que viven ceibes nas serras galegas) son guiados desde os montes ata o recinto do curro por un cordón de xente, a pé e a cabalo, que traballa conxuntamente para levar os animais sen perder o seu espírito salvaxe. O resultado é un espectáculo auténtico, que só pode comprender quen o presencia.

Un legado que vén de lonxe

Hoxe, os garranos seguen vivindo en liberdade, mais cada un deles pertence a unha familia que o identifica mediante unha marca herdada, gravada no curro. Esta práctica, transmitida de pais a fillos, permite manter un control respectuoso sobre os animais e os seus desprazamentos polo monte.

Aínda que o seu valor económico é pequeno, o dos garranos como especie autóctona en perigo de extinción é incalculable. Son dos últimos cabalos salvaxes que quedan en Europa, e os curros son clave para garantir a súa supervivencia.

O Curro de Morgadáns é moito máis ca unha festa rural: é un símbolo de resistencia cultural, de respecto polo medio e de identidade galega.

Características