Pazo de Mendoza ou Da Escola

Na parroquia de Mañufe atópase este pazo do século XVIII, fundado por Don Policarpo de Mendoza, Deán da Catedral de Santiago. Hoxe está restaurado e funciona como complexo de turismo rural, combinando servizos de restaurante, aloxamento rural e espazo para eventos. Coñecido popularmente como Pazo da Escola, debe o seu nome ao feito de que durante moitos anos albergou aulas nas súas instalacións. A edificación principal ten planta en U e, dentro da súa ampla extensión, destacan elementos singulares como a cheminea orixinal de pedra á vista, a antiga palleira —hoxe reformada como comedor—, unha eira con pedra de mallado, un hórreo de grandes dimensións e un reloxo de sol. Un conxunto que conserva o encanto da arquitectura tradicional galega, adaptado aos novos usos turísticos nun entorno privilexiado.

Instalaciones