Camiño Real de Tui a Baiona ao seu paso por Gondomar

Trátase dun percorrido de algo máis de 9 km que segue unha das vías máis importantes da Idade Media e da Idade Moderna, que unía a cidade episcopal de Tui con Baiona, vila de realengo e na súa época principal porto do sur de Galicia. Ao longo do seu paso por Gondomar, este camiño permite descubrir valiosos elementos do patrimonio material e inmaterial nas parroquias de Couso, Gondomar, Mañufe, Donas e Borreiros. Antes de comezar a ruta, é preciso facer unha precisión histórica: a investigadora Ferreira sitúa o nacemento do termo “camiño real” no século XV e basea o seu trazado nos fitos e fontes documentais máis antigas, propoñendo que o tramo entre Feira da Doce, en Gondomar, e A Cruz, en Mañufe, pase por Pousada e A Ponte, en Mañufe. Porén, nós suxerimos unha variante posiblemente posterior que transcorre por Piquetes, Goldra e Galisteo.

Instalaciones