Pazo de Moldes ou Pousa de San Brais

Pazo do S.XVIII , fundado como coto pola familia Suárez de Deza, segundo o escudo de armas da fachada principal orientada ao norte. Pertenceu aos marqueses de Valadares. A edificación consta de dúas plantas rectangulares, das cales a inferior estaba dedicada a adega e cortes. Na capela, consagrada a San Brais, estaba a imaxe que se conserva na igrexa de San Vicente de Mañufe. O estado de conservación é moi bo, tanto no interior como no exterior. Está rodeado dunha extensa quinta ateigada de árbores froiteiras, asentada nunha chaira das ladeiras da Groba, con excelentes vistas sobre as terras do Miñor, desde a praia de Lourido ata a Serra do Galiñeiro. Na actualidade, destinadas ao enoturismo.

Instalaciones