Pazo de Pampillón

No visitable. Propiedade privada. No lugar de Pampillón atopamos o pazo do mesmo nome, de grandes dimensións , construído no século XVII. De aspecto tradicional segundo os estándares dos pazos no litoral sur de Galicia, sufriu unha remodelación no século XVIII. Cerra a finca deste pazo un muro de cachotaría con porta alintelada sobre a que se mostra un complexo escudo coas armas das casas dos Arines, Taboada, Castro, Acuña, Sotomayor, Ceta e Troncoso. Son salientables as grandes chemineas, un gran canizo e dous enormes lagares, que indican que foi unha poderosa casa agrícola. No xardín atopamos especies traidas de América de grande interese botánico.

Características