Pazo de Moldes ou Pousa de San Brais

Esta casa, con orixe no século XIV, conserva importantes pegadas do pasado, como numerosas marcas de canteiro gravadas na pedra, testemuña do traballo artesanal da época. Foi fundada pola familia Suárez de Deza, algo que queda reflectido no escudo de armas da fachada norte, moi semellante ao da Torre de Tebra (Tomiño), aínda que cunha particularidade: unha das flores de lis foi substituída por unha cruz da Orde de Calatrava, o que podería indicar a pertenza do fundador a esa orde militar. Segundo o testamento de Álvaro Suárez de Deza, redactado en 1566, o dono tamén posuía o couto de Moldes. O conxunto incluía unha antiga capela dedicada a San Brais, convertida en leñeiro xa en 1951. A tradición oral lembra que nela se celebraban romarías e procesións ata o cruceiro de Piquetes. Nas últimas décadas do século XX, o espazo recuperou certo uso como lugar de recollemento familiar. Aínda se poden apreciar cambios arquitectónicos nas xanelas e entradas de luz. A casa principal ten planta rectangular, dúas alturas e está situada nun punto estratéxico, dominando o val. Foi baleirada e reformada na segunda metade do século XX, sufrindo intervencións importantes, como a reconstrución case total da fachada sur. Na actualidade, destinadas ao enoturismo.

Características